Молитвы святому апостолу и евангелисту Матфею


Апостол Матфей иконаТропарь и кондак святому
Молитвы святому апостолу евангелисту Матфею
Величание


 

ТРОПАРЬ И КОНДАК СВЯТОМУ АПОСТОЛУ И ЕВАНГЕЛИСТУ МАТФЕЮ

 

Тропарь, глас 3

Усердно от мытницы к звавшему Владьще Христу, явльшуся на земли человеком за благость, Тому последовав, апостол избранный явился еси и благовестник Евангелия вселенней велегласен. Сего ради чтим честную память твою, Матфее Богоглаголиве, моли милостиваго Бога, да грехов оставление подаст душам нашим.

Кондак, глас 4

Мытарства иго отверг, правды игу притяглся еси и явился еси купец всеизряднейший, богатство принес, тоже с высоты премудрость. Отонудуже проповедал еси Истины слово и унылых подвигл еси души, написав час судный.

 


МОЛИТВА СВЯТОМУ АПОСТОЛУ МАТФЕЮ

 

О, преславный апостоле Матфее, душу за Христа предавший и кровию твоею пажить Его удобривший! Услыши чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елеа же добраго жития обнищахом зело, и не возможем противитися волком хищным, иже расхищати наследие Божие дерзостно тщатся.
О, сильний! Понеси немощи наша, не отлучайся духом от нас, да не разлучимся й конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми Святыми блаженнаго Царствия и брака Агнца Своего, Емуже честь и слава, и благодарение и поклонение, во веки веков. Аминь

 

Комментирование запрещено